Најмалку 29 загинати при двоен самоубиствен напад во Авганистан
Најмалку 29 лица загинаа, а 81 лице е повредено во денешниот двоен самоубиствен напад во шиитска џамија во источен Авганистан, соопшти Абдула Хасрат, портпарол на гувернерот на провинцијата Пактија.
Сите повредени, од кои некои во лоша состојба, се хоспитализирани, информираат регионалните здравствени власти.
Двајца мажи облечени во женска облека и вооружени со пушки влегле во џамијата во градот Гардез за време на попладневната молитва. Тие отвориле оган врз верниците, а потоа го активирале експлозивот што го носеле, соопшти локалната полиција.
Досега, ниту една група не презеде одговорност за нападот. Талибанците изјавија дека немаат никаква врска со него.
Шиитите во Авганистан честопати се цел на напади од сунитската екстремистичка група Исламска држава (ИД).
Според портпаролот Хасрат, во регионот околу градот Гардиз живеат околу 200 шиитски семејства.
Провинцијата Пактија, која претежно е населена со Паштунци, со години беше бастион на група Хакани, поврзаната со талибанците.
Според податоците на мисијата на ОН, во Авганистан во првите шест месеци од годината, биле убиени 115 цивили, а 251 се повредени во напади во земјата.
Одговорноста за повеќето од нив ја презеде ИД.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок