Најмалку 15 лица повредени во протестите во Барселона
Најмалку 15 лица се повредени во денешните протести поради седницата на шпанската Влада во Барселона, соопшти регионалната служба за Брза помош.
Ситуацијата во Каталонија денеска мина тензично, со судири меѓу радикалните сепаратисти и полицијата. Седницата на шпанската Влада се одржа со силно полициско обезбедување, која каталонските сепаратисти ја оценија како „провокација“.
Шпанските полицајци од автопатиштата одвлекоа демонстранти кои протестираа против посетата на премиерот Педро Санчез. Десетици демонстранти, од кои некои носеа флуоросцентни елеци, по примерот на француските „жолти елеци“ седнаа на автопатот АП7, кој минува долж медитеранскиот брег, држејќи се за раце, подигнати во воздух. Интервентната полиција ги одвлече од автопатот. При протестите блокирани беа околу 40 улици.
Едно лице е уапсено во центарот на Барселона со материјал кој може да се искористи за изработка на експлозивна направа. Вкупно, за инциденти поврзани со насилство се уапсени шест лица.
Дваесетина сепаратистички организации, вклучувајќи го и влијателното Национално собрание на Каталонија, кое во последниве години организираше повеќе митинзи за независност, повикаа на големи демонстрации во центарот на Барселона вечерва, во 18 часот по локално време.
Ново на Сител
-
Предизборно финале - партиите ги финализираат листите
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај