На Черноземски мафијата на Ал Капоне му помогнала да го убие кралот Александар во Марсеј!?

Атентатот во Марсеј врз кралот Александар I Караѓорѓевиќ се одигра на 9 октомври 1934 година, при неговата официјална посеета на Франција, во Марсеј пред Палатата Бурзе, во 16 часот и 20 минути.

Атентатор е Владо Черноземски, припадник на ВМРО, кој го усмртиил кралот со четири куршуми, а со еден полесно го повредил францускиот министер за надворешни работи Луј Барту, кој поради неаддекватната медицинска помош, искрварил и почина. Ова е официјалната верзија за атентатот во Марсеј која сите ја знаат и по која засекогаш се промени историјата на Југославија и Балканот.

Но сега има и нова верзија за заднината на случајот, и наводно поврзаност со славниот мафијаш Ал Капоне.

Стана, жена на познат член на бандата на Ал Капоне, Антун Година, е мистериозната блондинка која им го донела оружјето на убијците на кралот Александар, открива во својата книга „Атентат 1934“ авторот Милан Богојевиќ.

Авторот открива досега скриени детали за убиството на кралот на Југославија во Марсеј, а ги пронашол во исповедта на Марија Кватерник, сопруга на Еуген Дида Кватерник, кој ги предводел атентаротите и му бил еден од сојузниците на Анте Павелиќ.

-Единствена мистерија од атентатот врз кралот која никогаш со сигурност не е решена е, која е мистериозната русокоса дама кој прошверцувале оружеј и бомби во Франција и пред самиот атентат им ги предала на убијците на Караѓорѓевиќ, вели Богојевиќ, и додава дека според неговото истражување, нашол цврст доказ дека тоа е Стана Година.