Мурињо: Се создава слика дека сум виновен за се
Манчестер jунајтед со пресврт оствари значајна победа против Њукасл, откако на полувремето губеше 0:2, но на крајот сепак славеше со 3:2.
Победата ги намали тензиите во Јунајтед, а на тренерот Жозе Мурињо ќе му овозможи да ја задржи уште извесен период позицијата по зачестените гласини дека му се подготвува отказ поради лошите резултати.
Но, и покрај победата Мурињо по натпреварот повторно се пожали дека медиумите тензденциозно до прогонуваат.
- Има премногу зло во сево ова, а нештата би требало да бидат убави. Ова е лов на еден човек. Иако можам да се носам со тоа, сепак ми предизвикува тага. Се создава слика дека сум виновен за се. Ако врне во Лондон јас сум виновен, ако договорот за Брегзит не е добар повторно сум виновен..., истакна Мурињо.
Тој се осврна на се почестите гласини за негов отказ, како и за притисокот врз клубот.
- Имам договор до 2020 година затоа што раководството на клубот тоа го сакаше. Сите мора да бидат свесни дека постојат искачувања и падови. Погледнете само што се случува со Милан, кој е еден од најголемите светски клубови. Има добри и лоши периоди, наведе португалскиот стручњак.
Манчестер јунајтед по осум кола има 13 бодови и се наоѓа на осмото место на табелата.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка