Мурињо: Матиќ ја има загубено самодовербата

Шампионот на Англија, Челзи вечерва го игра натпреварот од 3.коло од Лигата на шампионите. „Сините“ гостуваат во Киев кај Динамо и по две кола имаат една победа и еден пораз.

Покрај тоа избраниците на Мурињо не се на нивото од претходните сезони и во Премиер лигата каде се наоѓаат на 12 место со 11 бодови или 10 помалку од лидерот Манчестер Сити.

Еден од играчите кои не играат во посакуваната форма е и Немања Матиќ.

- Самодовербата е клучна. Матиќ на дуелот со Астон Вила по лошото додавање веднаш покажа разочарување. Тоа не се прави кога имаш самодоверба. Мораш да бидеш мирен, истакна Мурињо.

Матиќ во оваа сезона играше на 10 натпревари, на некои влегуваше од клупата за резерви, а постигна еден гол во Премиер лигата против Евертон.