Москва: Терористите користат хемиско оружје во Алепо
Руските офицери откриле докази дека терористите употребуваат хемиско оружје во југозападниот дел на сирискиот град Алепо, изјави денеска портпаролот на руското Министерство за одбрана генерал-мајорот Игор Конашенков.
Тој наведе дека офицерите од Националниот воен центар за радиоактивна, хемиска и биолошка заштита откриле докази дека терористите употребувале хемиско оружје против цивилите и сириските војници.
Конашенков додаде дека војниците нашле неексплодирана артилериска муниција на терористите со хемиски средства и земале примерок од површината на местот на нивната примена.
- По спроведувањето на брза анализа во мобилна лабораторија утврдено е дека токсичните материи со кои биле исполнети артилериските гранати на милитантите, со голема веројатност претставуваат хлор и бел фосфор, објасни Конашенков.
Претходно е објавено дека заедничката мисија на ОН и Организацијата за забрана на хемиското оружје, по истрагата за употреба на хемиски супстанци во воени цели во Сирија, потврди дека Дамаск е одговорен за два од деветте хемиски напади кои се истражени, додека еден од нападите е извршен од страна на ИД.
Ново на Сител
-
Преглед на вестите од светот
-
Од утре започнува изборниот процес - Во домашни услови ќе гласаат болните и изнемоштените лица
-
Последен ден од кампањата за претседателските избори
-
Тема на денот со лидерот на ВМРО-ДПМНЕ, Христијан Мицкоски
-
Конкурсот за АСЈО повторно пред Уставен, одлука ќе носи вечерва
-
Со куфери и авионски билети приватните специјализанти протестираа пред Министертсвото за здравство
-
Последен ден од кампањата за претседателските избори
-
Ахмети до Мицкоски: Внимавај што зборуваш, Мицкоски му возврати да се подготви за опозиција