Москва: Да се спречи странското мешање во внатрешните работи на Македонија
Членови на раководствата на ЕУ и на НАТО се обидуваат на Македонија да и ја наметнат „албанската платформа“ дефинирана во канцеларијата на премиерот на Албанија во Тирана со која се исцртува картата на таканаречена голема Албанија и се искажуваат територијалните претензии и кон големи области на соседна Црна Гора, Србија, Македонија и на Грција, оценува Министерството за надворешни работи на Руската Федерација.
- Особено вознемирувачки е и тоа што тука е вклучено и еднострано прогласеното независно Косово. Сметаме дека ова е крајно опасно и е насочено кон уништување на македонската државност и дестабилизација на Балканот во целост, се наведува во соопштението објавено на веб страницата на руското МНР.
Воедно потсетуваат дека во Македонија на 11 декември 2016 година беа спроведени предвремени парламентарни избори на инсистирање на ЕУ и на САД на кои победи владејачката партија предводена од Никола Груевски.
- Сега западот со помош на албанското малцинство и нивните ултиматуми се обидува на власт во Скопје да ја доведе поразената опозиција што претставува нарушување на уставните темели на земјата, се вели понатаму во соопштението.
Овие деструктивни обиди спротивни на волјата на македонските гласачи, како што посочуваат од официјална Москва, можат само да ја влошат ситуацијата.
- Неопходно е да се спречи странското мешање во внатрешните работи на Македонија и да се почитува правото на македонските граѓани да одлучуваат за својата судбина во склад со основните демократски принципи, соопшти руското МНР.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри