Младеновски: Граѓаните многу повеќе да ја користат медијацијата во решавање на споровите
Вистинскиот бенефит до што сакаме да дојдеме е всушност македонското општество да биде помалку конфликтно и граѓаните многу повеќе да ја користат медијацијата во решавање на споровите, истакна претседателот на Комората на медијатори на Македонија Славе Младеновски, на денешното одбележување на Европскиот ден за граѓанска правда.
Тој посочи дека, настанот чија цел е граѓаните на конкретен начин да ја видат медијацијата, е организиран во соработка со Центарот за правни истражувања и анализи и Институтот за европска политика (ЕПИ).
– Сметам дека тужбата треба да биде последна опција при решавање на каков било спор, што е медијабилен, нагласи Роза Алексова, медијатор и обучувач за медијација.
Таа наведе дека нивната мисија е на различен начин да биде одбележан Европскиот ден за граѓанска правда.
– Наместо да ги поканиме граѓаните во нашето седиште, ние решивме да дојдеме меѓу нив и во непосредни разговори и контакти да им дадеме информации со цел повеќе да дознаат за медијацијата, кои се медијатори во Република Македонија, како и кои спорови можат да ги решаваат во медијација, изјави Алексова.
Медијаторот Илија Манасиев информираше дека денеска граѓаните имаат можност да се информираат за постапката на медијација во близина на споменикот „Мајка Тереза“ каде неколкумина медијатори четири часа ќе им стојат на располаѓање на сите заинтересирани.
– Медијацијата е поевтина постапка, трае многу помалку од судските постапки и е доверлива, за разлика од судските пресуди кои се објавуваат јавно, спогодбите кои се склучуваат во постапката за медијација е нешто што се случува меѓу страните кои имаат спор и медијаторот, објасни Манасиев.
Тој наведе дека во Македонија сега има 31 медијатор, посочувајќи дека тие работат од 2013 година според законот за медијација.
Ново на Сител
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна