Мјузиклот „Ла Ла Ленд“ освои пет БАФТА награди
Филмот „Ла Ла Ленд“ е прогласен за најдобар филм на годинешното доделување на наградите на Британската академија за филмски и телевизиски уметности (БАФТА), коешто се одржа сношти во лондонски Ројал Алберт Хол“.
Музичкиот спектакл беше апсолутен победник на вечерта со вкупно пет награди од 11 номинации. Демиен Шазел ја доби статуетката за најдобар режисер, а Ема Стоун - за најдобра женска главна улога. Филмот победи и во категориите музика и кинематографија.
Наградите БАФТА се британскиот еквивалент на доделувањето на „Оскарите“, кое традиционално следува две седмици подоцна. Филмаџите често ги оценуваат БАФТА наградите како предвесник за тоа кој ќе добие и „Оскарот".
Наградата за најдобра машка главна улога отиде кај Кејси Афлек за филмот „Манчестер покрај море". Критичарите сметаат дека оваа драма конечно му овозможи на глумецот најпосле да излезе од сенката на својот далеку попознат постар брат на Бен Афлек.
БАФТА статуетките за најдобри споредни улоги ги добија британскиот глумец Дев Пател за филмот „Лав", и Афроамериканката Виола Дејвис - за „Оградa".
Филмoт „Jaс, Даниел Блејк" е прогласен за најдобар британски филм. Кен Лоуч (80), режисерот на оваа социјална драма, го искористи својот говор да ја искритикува социјалната политика на британската Влада.
- Најранливите и сиромашни луѓе оваа Влада ги третира безмилосно и брутално, а тоа е срамно, рече Лоуч.
На крајот на свеченоста принцот Вилијам, кој е и претседател на академијата БАФТА, му ја врачи наградата за животно дело на 90-годишниот американски комичар, музичар и текстописец Мел Брукс.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка