Мистериозен објект ќе прелета покрај Земјата на 25. февруари, ниту НАСА не знае што е
За нешто повеќе од месец и пол, покрај планетата Земја ќе мине објектот “2016 WF9”. НАСА, не е сосема сигурна за каков објект станува збор.
Карактеристиките на овој мистериозен објект се толку необични што дури ни НАСА не можела со сигурност да одреди што е.
Објектот го нарекле “2016 WF9”, а го забележал на 27. ноември минатата година “NEOWISE”, системот на НАСА за “лов на комети и астероиди”. Научниците соопштиле дека е широк околу 1 километар, и се очекува да мине најблиску до Земјата на 25. февруари, оддалечен на “само” 51 милион километри.
Самиот објект малку ги буни научниците на НАСА, бидејќи не можеле со сигурност да одредат дали се работи за астероид или комета. Астероидите се најчесто од камен или други метали, додека кометите се “позамрзнати”. Овој објект изгледа мрачно, и не рефлектира светлина, што обично значи дека се работи за комета. Сепак, нема карактеристична опашка, односно облак од гасови и прашина која се формира зад кометата. Научниците на НАСА не можеле ни да утврдат од каде доаѓа 2016 WF9.
“2016 WF9 би можел да има потекло од комета. Овој објект покажува колку некогаш може да биде невидлива разликата помеѓу комета и астероид”, вели заменикот на главниот истражувач во Лабораторијата за погонско забрзување при НАСА, Џејмс Бајер.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање