Министрите за надворешни работи на ЕУ утре за вакцините за Западен Балкан
По лидерите, министрите за надворешни работи на земјите-членки на ЕУ утре ќе ја разгледаат можноста за ажурирање на стратегијата за поделба на вакцините против Ковид-19 со трети земји, пред сè со земјите од Западен Балкан и соседите.
Состанокот на Советот за надворешни работи почнува утре во 9:00 часот, а ќе го води шефот на дипломатијата на ЕУ, Жосеп Борел.
Како што е наведено во Брисел, првата точка на дневниот ред ќе биде презентирање на Борел на стратегијата на ЕУ за дистрибуција на вакцини против Ковид-19 на трети земји и други напори на ЕУ да се обезбеди еднаков и фер пристап до безбедни вакцини на глобално ниво.
Министрите потоа ќе разменат мислења за неодамнешното апсење на рускиот опозициски политичар Алексеј Навални по неговото враќање во Русија на 17 јануари 2021 година.
Советот, меѓу другото, ќе дискутира и за трансатлантските односи, со цел иден ангажман со новата американска администрација по инаугурацијата на Џозеф Бајден за 46 претседател на САД на 20 јануари.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово