Македонија во алертна фаза: Почитувајте ги овие препораки за заштита
Територијата на цела Македонија денеска ќе биде зафатена со температури од жолта (алертна) фаза, најави метеоалармот од Управата за хидрометеоролошки работи.
Утринските температури ќе се движат од 14 до 22, а дневната највисока температура на воздухот ќе се движи во интервалот од 33 до 40 степени. УВ индексот ќе изнесува 9. Во Скопје ќе биде сончево и многу топло со слаб ветер од западен правец. Температурата ќе се движи од 20 до 39 степени.
Поради тоа, Министерството за здравство вчера апелираше граѓаните од цела држава да ги почитуваат општите препораки за заштита од високите температури: заштита од директна сончева изложеност, избегнување престој на отворено од 11 до 17 часот, носење светла и лесна облека, консумирање лесна храна и течности, а особено да се внимава при подготовката и консумирањето на храната.
На хронично болните лица им се препорачува редовно да ја земаат пропишаната терапија. Информации за топлотните бранови континуирано се објавуваат на www.toplotnibranovi.mk.
Како што најави УХМР, времето во Македонија ќе биде сончево и многу топло со мала до умерена локална облачност, која повеќе ќе биде застапена во источните делови од земјата. Ќе дува слаб, а во западните делови повремено умерен ветер од западен и југозападен правец.
Во петок попладне ќе настапи значителна промена на времето кога на повеќе места ќе има нестабилна облачност со пороен дожд и грмежи, локално во форма на невреме. Врнежите ќе бидат пообилни преку ноќта кон сабота, особено повеќе во северните делови на земјава. Во петок кон крајот на денот ќе почне да дува северен ветер кој повремено ќе се засилува и ќе предизвика нагло опаѓање на температурата.
За време на викендот ќе преовладува претежно облачно, ветровито и доста свежо време со локални врнежи од дожд. Од понеделник се очекува повторно стабилизирање на времето со постепен пораст на температурата.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО