Македонија
6. August 2020 - 12:48

Македонија вчера со трета највисока смртност во Европа – вирусот зема залет на Балканот

Со само 5,8% позитивни од вкупниот број на спроведени тестови, Македонија вчера ја забележа една од најпозитивните корона статистики во последните неколку месеци. По спроведени 1507 тестови, надлежните откриле 88 нови случаи што е втор најпозитивен резултат од почетокот на јуни. Сепак смртноста и натаму останува висока. Шестмината починати вчера ја ставија Македонија на третото место во Европа според бројот на починати на еден милион жители. Најлоши бројки има Црна Гора каде вчера починале 4 пациенти што е смртност од 6,45 на милион жители. Следи Моладвија со 3,22 и Македонија со 2,88.

Згрижуваат информациите дека расте бројот на позитивни случаи кај сите наши соседи. Бугарија вчера регистрирала 303 нови случи и 9 починати исто како и Србија каде што од вчера има 295 нови позитивни на ковид19.

Во Албанија вчера имало 6 жртви и 139 нови случаи а во Грција 119 случаи и едно починато лице. 

На Балканот и натаму најдобро се снаоѓа Словенија каде вчера имало 18 нови случаи и 1 починат како и Хрватска каде се регистрирани 58 нови случи без починати. 

Во Македонија најмногу активни случаи, очекувано има во Скопје, каде вчера бројката достигна 1303. Следи Штип со 433 и Гостивар со 288.

 

Александар Спасовски