Македонија убедливо поразена од Австрија
Фудбалската репрезентација на Македонија синоќа на националната арена „Тодор Проески“ беше убедливо поразена од Австрија со 1:4 (1:1) во квалификациски дуел за ЕП 2020.
Избраниците на Игор Ангеловски беа целосно надиграни од Австрија, која создаде многу повеќе шанси и го диктираше темпото на игра, а неколкуте интервенции на Столе Димитриевски придонесоа резултатот да не биде уште покатастрофален.
„Црвено-жолтите“ поведоа во 18-тата минута со автогол на Хинтерегер, а потоа се беше во знакот на гостинот. Изедначувањето дојде во 39-тата минута, кога Валентино Лазаро успеа да погоди со волеј по една нафрлена топка од Лаимер.
Во 62-та минута Бејтулаи направи пенал врз Сабитцер во шеснаесетникот, а Арнаутовиќ реализираше за пресврт (1:2). Напаѓачотна Вест Хем својот втор гол го постигна во 82-та минута, откако со глава пресретна топка на Сабитцер, а на пет минути до крајот Лаимер ги постави конечните 1:4.
Македонија по 4 кола има четири бода на табелата во Групата „Ц“ и моментално е на претпоследното петто место. Циклусот квалификации продолжува на 5 септември, со гостување кај Израел.
Ново на Сител
-
Лични документи можат да се подигнат и денеска
-
Променливо облачно со сончеви периоди, на крајот на денот дожд
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај