Македонија и Бугарија денеска ќе потпишат меморандуми за соработка
Министерката за култура Бисера Костадиновска Стојчевска и министерот за образование на Бугарија Николај Денков денеска во Софија ќе потпишат повеќе програми и меморандуми за соработка во областа на образованието и науката, туризмот, културата, младите и спортот.
На состанокот од македонска страна се и министерот за образование и наука Јетон Шаќири и директорите на Националната агенција за европски образовни програми и мобилност и на Агенцијата за млади и спорт, Марко Ѓоргиевски и Наумче Мојсовски.
Предвидено е потпишување на неколку билатерални документи, меѓу кои: Програма за соработка во областа на културата, Програма меѓу Владите за соработка во областа на образованието и науката, Меморандум за соработка во областа на младите и спортот, како и Меморандум меѓу националните агенции Еразмус плус и Европскиот корпус за солидарност.
Ова е трет состанок на Четвртата работна група за билатерална соработка меѓу Македонија и Бугарија, во чиј фокус се културата, образованието и науката, туризмот, младите и спортот.
Горан Симоновски
Ново на Сител
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро