Фудбал
27. December 2019 - 19:47

„Луј Витон“ се врти и околу ФК Милан

Шпекулциите кои го поврзуваат најбогатиот Европеец, Бернар Арно, со славниот Милан не престануваат, откако италијанскиот весник „Ла република“ тврди дека тој ја зголемил својата понуда на 975 милиони евра.
 
Арно, со богатство од 93 милијарди евра, како газда на „Луј Витон“ и повеќе други компании, подолго време е заинтересиран за „росонерите“, кои сега се во сопственост на „Елиот менаџмент“, американската компанија која го „наследи“ клубот откако претходниот газда, Кинезот Ли Џонгхонг, не ги плаќаше долговите.
 
Пол Сингер, сопственикот на „Елиот“ ,наводно барал 1 милијарда и 200 милиони евра за Милан, но по катастрофалната форма на тимот, се согласил на „попуст“. Останува да се види дали овојпат има вистина во шпекулациите.