„Листа српска“,се уште, без став дали да го поддржи Хашим Тачи за косовски претседател
Пратениците од „Листа српска“, се уште, немаат одлучено дали ќе му дадат поддршка за претседател на Косово на вицепремиерот на косовската Влада и шеф на дипломатијата, Хашим Тачи.
Ова, како што пренесува порталот Албеу, го изјави пратеникот на Листа спрска и лидер на Прогресивната демократска партија, Ненад Рашиќ.
Како што Рашиќ објаснува, парламентарната група на „Листа српска“ се уште нема донесено одлука за тоа, но разговорите за ова прашање треба што побрзо да почнат.
-Не сме разговарале за тоа на повисоко ниво, но мислам дека многу брзо ќе разговараме. Разговарав со неколку мои колеги и сметам дека разговорите треба што побрзо да почнат, бидејќи доколку не почнат на време тие нема ни да завршат на време, изјави Рашиќ.
Според најавите, кон крајот на февруари косовскиот Парламент треба да го избере новиот претседател на државата. Врз основа на договорот за формирање на Владата оваа функција треба да ја добие Тачи. Деновиве премиерот Иса Мустафа, кој е лидер на Демократскиот сојуз на Косово, изјави дека договорот ќе се почитува и Тачи ќе биде новиот косовски претседател.
Ново на Сител
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ