Ленарчич во Албанија: Тука сум за да кажам дека не сте сами
Европскиот комесар за справување со кризи, Јанез Ленарчич, денеска допатува во Албанија.
По средбата со премиерот Еди Рама и Министерот за земјоделство и кординатор за менаџирање со кризи, Бледи Чучи, заедно отпатуваа за Драч, најпогоденото место од катастрофалниот земјотрес, што земјата ја погоди на 26 ноември.
Тој во детали бил запознат со првичните проценки за штетите и за што Албанија има потреба.
Ленарчич изјавил дека неговото присуство во Албанија е показател на солидарност и подршка, ветувајќи при тоа максимално ангажирање и солидарост да се стори се за надминување на тешката ситуација.
-Моето присуство покажува солидарност. Целта е Албанија да не чувствува дека оваа ситуација ќе ја надминува сама,а на граѓаните дека не се осамени во оваа ситуација. Имаме силна и цврста посветеност да сториме се што е можно во оваа тешка ситуација, рекол еврокомесарот.
Освен Драч тој ќе го посети и кампот во Вора,општина во близина на Тирана.
Инаку, Европската Комисија вчера соопшти дека одлучила за санирање на штетите од разорниот земјотрес на Албанија да и додели 15 милиони евра.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО