Свет
19. January 2017 - 12:02

Лавров: САД се поканети на разговорите за Сирија во Астана

САД се поканети на претстојните разговори за сирискиот конфликт во казахстанскиот главен град Астана, изјави денеска рускиот министер за надворешни работи Сергеј Лавров.

Разговорите во Астана ќе се одржат кон крајот на месецов.

Лавров и пред два дена изјави дека е правилно американската страна да се покани на средбата посветена за Сирија.

Тој смета дека на таков начин Москва настојува да го консолидира режимот за прекин на огнот и придонесува во процесот за наоѓање политичко решение.

- Подготвуваме состанок во Астана во формат Русија-Турција-Иран. Сметаме дека е правилно на оваа средба да бидат поканети и претставници на ОН и на новата американска администрација, истакна Лавров. 

Ново на Сител