Лајчак денеска во Косово на средба со премиерот Курти
Специјалниот пратеник на Европската унија во преговорите меѓу Косово и Србија, Мирослав Лајчак ќе престојува денеска во Приштина, каде што ќе се сретне со косовскиот премиер Албин Курти, јави дописникот на МИА од Приштина.
Информацијата ја објави прес-службата на Владата на Косово, која соопшти дека Курти ќе го пречека Лајчак во неговиот кабинет во 9 часот.
Емисарот на ЕУ вчера престојуваше во Белград, каде што се сретна со претседателот на Србија, Александар Вучиќ, со кого, како што информира, разговарал за изнаоѓање решенија во процесот на нормализација на односите со Косово.
– Во Белград разговаравме за патот кон нормализација како продолжение на дебатата за дијалогот (меѓу Белград и Приштина) со претседателот Александар Вучиќ. Разговаравме и за актуелните прашања, како што е враќањето на косовските Срби во институциите, упатството за електричната енергија и исчезнатите лица (од војната во 1998-99 година), напиша Лајчак на неговиот Твитер.
Се очекува на истите теми да стане збор и на средбата на Лајчак со Курти, а се претпоставуа и дека една од целите на неговата посета на Белград и Приштина е да подготви нова средба на највисоко ниво меѓу премиерот Курти и претседателот Вучиќ.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено