Фудбал
6. July 2019 - 10:17

Куп на нации: Четвртфинале за Сенегал и Бенин

Садио Мане втор натпревар едноподруго утна пенал, но исто така го постигна и својот трет гол на Африканскиот куп на нации да ги предводи Сенегал до тесна 1:0 победа над Уганда и пласман во четврт-финалето на континенталниот шампионат.

Ѕвездата на Ливерпул во 15. минута постигна елегантен гол за да донесе водство на „Лавовите од Теранга“, а во 61. минута од мечот имаше совршена шанса да го реши победникот, но Денис Онјанго му го одбрани пеналот. Мане исто така утна пенал во последниот меч во групите, против Кенија, но и тогаш постигна гол за победа.

Сенегалците во четврт-финалето ќе играат со Бенин, кои претходно денеска ги шокираа фаворитите Мароко со победа на пенали откако мечот по 120 минути заврши 1:1.