Куман ќе се потпира на Кутињо
Играчот за врска Филипе Кутињо следната сезона ќе игра за Барселона. Новиот тренер на Каталонците, Роналд Куман има намера да се потпира на Бразилецот, пренесува „Марка“.
Раководството на Барселона во моментов не ја разгледува можноста за отстапување на играчот. Кутињо сепак може да го напушти шпанскиот клуб, но само под услов да се плати значителна сума за него.
Минатата сезона Кутињо играше за Баерн, кој плати 8,5 милиони евра за да го изнајми 28-годишникот. Баварците имаа можност да го купат Бразилецот за 120 милиони евра, но се откажаа.
На сите турнири, Кутињо одигра 38 натпревари за Баерн Минхен и постигна 11 гола, од кои 2 во четвртфиналето од Лигата на шампионите против Барселона (8:2).
Договорот на халфот со Каталонците истекува на 30 јуни 2023 година.
Ново на Сител
-
ЦУК со апел за внимателност поради најавените метеоролошки промени
-
Во Грција уапсени 67 лица за спортско насилство и убиство на полицаец
-
Доларот зајакна петта недела по ред, порасна и цената на нафтата
-
Десет загинати во воздушен судар и уривање на два воени хеликоптери во Малезија | ВИДЕО
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи