Кривопаланечката градинка ќе се реконструира со финансиска поддршка од Норвешка
Со финансиска поддршка од Kралството Норвешка во износ од околу 90.000 долари комплетно ќе се реконструира еден кат од детската градинка „Детелинка“ во Крива Паланка.
Градоначалникот на Крива Паланка, Борјанчо Мицевски, денеска го потпиша договорот за грант за проектот за реконструкција на градинката што се финансира преку проектот „Нордиска поддршка за напредок на Северна Македонија“ што го имплементира Канцеларијата на Обединетите нации за проектни услуги (УНОПС).
Средствата од оваа донација ќе бидат наменети за комплетно реновирање на вториот кат од детската градинка што ќе опфати замена на столарија, реновирање на тоалетите и поставување енергетско ефикасна термо-изолациска фасада.
– Овој грант ќе придонесе за заокружување на комплетното санирање на зградата на детската градинка „Детелинка“, проширување на нејзините капацитети, како и за подигнување на стандардите и условите за сместување, згрижување и воспитување на децата од предучилишна возраст, изјави градоначалникот Мицевски.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка