Македонија
3. July 2022 - 17:23

Ковачевски: Ни треба ладна глава за да можеме да ја донесеме вистинската одлука

Прво, македонскиот народ ниту некој успеал до сега да го асимилира, ниту го асимилирал, ниту некогаш ќе се случи некој да го асимилира. Ние сме горди на својата историја, на својот јазик, горди сме на својот идентитет со сите негови аспекти, така било, така е и така ќе биде, одговори премиерот Димитар Ковачевски на новинарско прашање.

- Имавме средба на којашто јас го претставив предлогот, на која што претседателот на ВМРО-ДПМНЕ ги истакна своите размислувања и позиции и како и секогаш апелирав дека ова е голема одлука за која треба државничко однесување и ни треба ладна глава која пред се ќе значи мир и стабилност во државата за да можеме да ја донесеме вистинската одлука, додаде премиерот.