Комерцијалните вакцини против грип од денеска достапни за граѓаните

Во скопскиот центар за јавно здравје од денеска почнаа со вакцинација против грип. Но на скопјани им се достапни само комерцијалните вакцини што ги набавува Центарот и кои годинаца чинат 650 денари.

Епидемиолозите велат дека вакцината е четиритипна и штити од четири типа на вирус.

Ја препорачуваат на хронично болни но и на лица кои поради работата се во контакт со многу лица.

Бесплатните 28.000 вакцини што ги набавува Министерството за здравство се уште не се стигнати и надлежните очекуваат да пристигнат наредната недела.

Тие се без пари за пензионерите над 65 години, хронично болни, трудници и деца до 5 години. За бесплатните вакцини за кои граѓаните че закажуваат преку „Мој Термин“, ќе има и дополнителни пунктови во три скопски поликлиники.

Сања Димитровска