Клоп: Ливерпул може до титулата
Менаџерот на Ливерпул, Јирген Клоп смета дека неговиот клуб оваа сезона може да ја освои првата титулата, откако постои Премиер лигата.
Тимот на Ливерпул последен пат беше шампион на Англија во 1990 година, две години пред формирањето на Премиер лигата.
- Ние сме тука. Ние сме сегашната генерација. Колку и да ги сакаме и почитуваме играчките од минатото кои го создадоа клубот, ние не можеме да ја вршиме нивната работа. Ние мора да си ја завршиме нашата работата. Да се обидеме да го направиме тоа. Ние сме доволно добри за такво нешто и овој клуб е доволно голем за таков успех, изјави Клоп.
Германскиот експерт верува дека Ливерпул ги има сите услови за да ја освои титулата.
- Имаме сопствениците какви што ни требаат. Од нашиот клуб никој не мора да си замине поради пари. Не сме клуб кој најдобро ги плаќа играчите, но можеме да ги платиме доволно за да дојдат и останат. Во овој момент во Ливерпул се е фантастично и ние треба да го користиме тоа. Иднината е светла, но ајде да се обидеме да ја освоиме титулата, дополни германецот.
По седумнаесет одиграни кола Ливерпул е на второто место на табелата со шест бода помалку од водечкиот Челзи. Можноста за нови бодови Ливерпул ќе ја има веќе во вторник кога на домашен терен го пречекува составот на Стоук, а на 31.декември има уште еден домашен натпревар против Манчестер Сити.
Ново на Сител
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“