Кирил Пецаков ја презеде должноста градоналник на Охрид, конституиран и новиот состав на општинскиот совет
|
Со промопредавање на должноста Кирил Пецаков денеска и официјално ја презеде градоначалничката функција во Охрид. Пецаков на функцијата градоначалник доаѓа на местото на Константин Георгиески кој изминатите две и пол години управуваше со градот и кој му беше главен противкандидат на одржаните Локални избори. – Од првиот ден ќе работиме посветено на решавање на сите проблеми и потребите да граѓаните. Приоритет ќе биде решавањето на сите горливи прашања за кои говоревме во кампањата и за сите потреби што ќе ги посочат граѓаните односно месните заедници, рече Пацаков. Тој најави ново темпо на работа на општинските служби и јавните претпријатија. По однос позначајните прашања, пред се статусот на градот во УНЕСКО, тој рече дека ќе работи во насока на исполнување на препораките. – Оставивме во текот на кампањата јасна слика како ќе работиме, вклучувајќи ги и препораките на УНЕСКО. Сето што е во наша надлежност ќе биде спроведено, рече тој, најавувајќи дека во првата година ќе се реализираат инфраструктурни проекти за кои веќе постапките се во тек. Константин Георгиески на новоизбраниот градоначалник му посака добро здравје, многу успех и посветена работа, во интерес на граѓаните на Охрид. – Разговаравме околку состојбата во Општината, за проектите што се дел отпочнати, дел што се на почеток на реализација, за раздолжувањето. Секогаш доколку има некаква потреба од информација за отпочнатите проекти ќе бидам тука, рече Георгиески. Свечените заклетви денеска ги потпишаа и новите советници така што е конституиран и новиот состав на 23-члениот Совет на Општината, во кој има десет советници на Коалицијата предводена од ВМРО-ДПМНЕ, осум од СДСМ, двајца од ДУИ, еден советник од Левица, како и по еден претставник од групите граѓани „Охрид пред се“ и „Охрид има план Б“ |
Ново на Сител
-
Заврши состанокот на големите сили
-
Граѓаните ќе добијат поголема моќ - Референдумско отповикување на градоналачници ќе има со измените на законот за локална
-
Тема на денот со Васко Наумовски, поранешен амбасадор во САД
-
Зеленски - Нема да ги признаеме руско-американски преговори во Ријад, вонреден самит во Париз за Украина
-
Анкета: Само 20% од граѓаните поддржуваат уставни измени, ЕУ има желба да помогне за интеграција на Македонија
-
ЗНАМ е против промена на грбот
-
Предлогот за разрешување на обвинителот Коцевски, утре на владина седница
-
СДСМ поднесе предлог закон за поевтина храна и струја