Фудбал
5. February 2016 - 10:09

Кинезите рушат трансфер рекорди!

Алекс Тешеира до чии услуги во зимскиот преоден рок се обидуваа да стигнат Ливерпул и Челзи, кариерата ќе ја продолжи во Кина во екипата на Џангсу Сунинг. Трансферот на Бразилецот е вреден 50 милиони евра што преставува рекорд во кинескиот фудбал.
 
„Го продадовме во Кина“, со овие зборови трансферот на Тешеира го потврдил тренерот на Шахтјор, Мирчеа Луческу.
 
Џангсу Сунинг, пред десет дена, издвои 30 милиони евра за играчот на Челзи, Рамиреш, а сега со трансферот на Алекс Тешеира го урна кинескиот рекорд, кој пред два дена го постави Гвангжу Евергранде со 45-милиони евра вредниот трансфер на Џексон Мартинез од Атлетико Мадрид.
 
Алекс Тешеира, во Шахтјор, пристигна пред шест години за сума од шест милиони евра, а клубот го напушта како водечки стрелец во украинската лига со 22 гола.