Џет-Сет
25. October 2019 - 9:21

Ким Кардашијан се пофали со подарокот од својот сопруг

Ѕвездата од реалните шоуа и активистка за човекови права, Ким Кардашијан на Твитер се пофали со најубавиот роденденски подарок што досега од добила од својот сопруг.

Имено, се работи за еден милион долари што раперот Кање Вест ги подари во хумантарни цели, но во нејзино име.

Таа веќе неколку дена го слави својот 39. роденден. Изминатиов викенд, таа уживаше со своите сестри во Палм Спрингс, Калифорнија, забава која ја сподели и со обожавателите на интернет. А пак, синоќа уживаше во семејна вечера во нејзиниот дом.

Донацијата, инаку, е наменета за каузата за која Ким со години се залага – реформа на затворскиот систем во САД.