Каталонците го загубија и шпанскиот куп
Барселона можеби имаше повеќе од играта и поседот на топката, меѓутоа Валенсија ја освои својата прва титула од Копа дел реј по 11 години, со фантастична 2:1 победа на „Бенито Вилјамарин“ во Севилја, за уште едно разочарување на Блауграна по „колапсот“ во полуфиналето на Лигата на шампионите.
Кевин Гамеиро во 21. минута и Родриго 12 минути подоцна успеаја да ја „фатат“ одбраната на Барселона на „спиење“ за изненадувачко 2:0 водство на тимот на Марселино, по што Барселона неуспешно тргна во напад до крајот на мечот.
Во 57. минута, Лео Меси ја погоди пречката по асистенција на Малком за да ги потсети „Лос че“ дека работата не е завршена, а во 71. минута во супер-шанса беше Жерард Пике, повторно по акција на Малком, но неговиот обид заврши до левиот дирек на голманот Доменеш. Притисокот се исплатеше во 73. минута, кога Меси го фати „отпадокот“ по одбраната на голманот на ударот на Ленгле со глава, за да намали на 2:1.
И покрај тоа што Барселона имаа над 75 отсто од поседот на топката и не престануваа со опсадата на голот на противникот, тоа беше максимумот од тимот на Ернесто Валверде, чија иднина сега сигурно ќе биде тема во каталонските медиуми.
Ова е осма титула од Копа дел реј за двократните шпански шампиони, Валенсија, но и прва титула од 2008 година, кога во финалето на кралскиот куп со 3:1 го победија Хетафе.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари