-->
-->
Капитенот Лазаров од Барселона во Нант
-->
Францускиот прволигаш Нант го ангажира капитенот на македонската ракометна репрезентација Кирил Лазаров во желба да дојде до титулата во Франција.
Лазаров со Нант кој во моментов е на втората позиција на табелата потпиша двегодишен договор.
„Задоволен сум што се договоривме со ХБЦ Нант. Се приклучувам кон амбициозен клуб кој продолжува да расте сезона по сезона. Пресреќен сум што доаѓам во еден од најдобрите клубови на светот. Ова е возбудлив нов предизвик во мојата кариера“, вели Лазаров.
Нант најавува дека има големи амбиции за следната сезона, а тоа се потврдува и со фактот дека моментално се лидери во својата група, во Лигата на шампионите.
Лазаров реши дека му е потребен нов предизвик и си заминува од европскиот гигант Барселона каде е од 2013 година, Македонскиот бомбардер претходно има играно и за екипите на Веспрем, Загреб, Сиудад Реал, Алетико Мадрид и Пелистер.
Претседателот на Нант, Гаел Пелетие е пресреќен што тимот доби големо засилување.
„По големите имиња како Клајн, Гурбиндо и Њокас, денеска Кирил Лазаров доаѓа кај 'Х' на две сезони. Тој е еден од најголемите ракометари на светот. Нема други зборови да се опише неговата ефикасност во нападот. Со неговото доаѓање се покажува желбата на ХБЦ Нант да расне како тим и да добие сила на европска сцена", вели Пелетие.
-->
-->
-->
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто