Кадри Весели реизбран за претседател на Демократската партија на Косово
Демократската партија на Косово (ПДК) на денешната Конвенција за избор на партиските раководни структури, за свој претседател го избра Кадри Весели, кој и до сега ја водеше најголемата владејачка партија во Косово, јави дописникот на МИА од Приштина.
Весели, кој е претседател на косовското Собрание, беше единствениот кандидат за партиски лидер.
Во своето обраќање пред делегатите на Конвенцијата, Весели порача дека „ПДК е секогаш подготвена, реформирана и со нова енергија, да им служи на граѓаните и за јакнење на Република Косово“.
– Денес ПДК е поголема, посилна, поконсолидирана и поподготвена да ја преземе на себе улогата што ѝ следува, улогата на партија која им претходи на промените и на развојот на земјата. Денес ПДК ја прави разликата со сите други. Денес ПДК со вашата работа докажува дека е партија на граѓаните, од граѓаните и за граѓаните. Тоа е врховниот закон на нашата партија, порача Весели.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица