-->
-->
Јотовски со пресврт во свој стил го совлада противникот - повредата е веќе минато
-->
Најдобриот македонски тенисер Томислав Јотовски, полека и успешно се враќа на терените и на фјучрс турнирите. Поради повреда на рамото тој седум месеци беше надвор од терените, а изминативе недели ги бележи првите мечеви оваа календарска година.
Во денешниот меч од првото коло на фјучрсот во Анталија, Јотовски во свој стил по речиси три часа игра и со пресврт го совлада Романецот Влад Андреј Данку со 2-1 во сетови (1:6; 6:3 и 7:6 (8:6)), искористувајќи ја втората меч топка.
Противникот подобро го „отвори“ мечот и го доби сетот со 6:1, за потоа Јотовски да изедначи освојувајќи го вториот сет со 6:3. Во решавачкиот сет нашиот тенисер имаше предност од 5:3 во гемови и меч - топка при 5:4, но ривалот направи брејк за изедначување. Сепак Јотовски не падна психички и во тај брекот стигна до триумфот.
Во следното коло Јотовски за ривал ќе има уште еден романски тенисер Дан Томеску, кој го елиминираше четвртиот носител Луис Веселс од Германија.
На овој фјучрс нашиот тенсиер со Гркот Јанис Стергоу успешно ја минаа првата пречка во игра на двојки.
На претходните два фјучрс турнири Јотовски во Анталија кои беа еден вид привикнување и враќање на терените по паузата беше елиминиран во првото коло (прв турнир) и во второто коло (втор турнир).
Нашиот тенисер со вкупно 107 поени се наоѓа на 601 место на ИТФ ранг листата.
-->
-->
-->
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари