Македонија
17. August 2016 - 16:00

Јанкулоска: СЈО е единствениот адут на СДСМ пред изборите

Поранешната министерка за внатрешни работи Гордана Јанкулоска денеска беше во СЈО каде што беше повикана за случајот „Тврдина“.

Била повикана доцна вчера, но сепак денес се појави пред обвинителството на Катица Јанева, тврдејќи дека нема што да крие затоа што чесно и одговорно ја одработувала функцијата која ја вршеше.

Пред да даде исказ во СЈО, таа ги побарала на увид доказите за да може да се произнесе по обвиненијата што ѝ се ставаат на товар. Јанкулоска повтори дека не е виновна и дека не направила ниту едно кривично дело додека била на министерската позиција и СЈО го нарече продолжена рака на опозицијата.

– Како што јавноста во повеќе наврати беше сведок и медиумите коментираа дека се целосно ставени во корист на кампањата на опозицијата која и покрај толку години во опозиција нема што да им понуди на граѓаните на Република Македонија и очигледно е дека најважна алатка за претстојните парламентарни избори останува да биде СЈО, рече Јанкулоска.

Според Јанкулоска, СЈО е единствениот адут со кој СДСМ цели кон политички поен плус.