Изложба „Млади кривопаланечки уметници“
Во уметничката галерија во Градскиот музеј во Крива Паланка синоќа беше отворена изложбата „Млади кривопаланечки уметници“.
Ова е прва заедничка изложба на младите ликовни уметници од Крива Паланка. Содржи триесетина дела од седум млади академски сликари и графичари: Христина Стојчевска, Пепица Јаначковска-Стојчевска, Анета Стојчевска, Маја Јаќимовска, Јорданчо Ристовски, Ален Алексовски и Стефан Јакимовски.
- Вечерва во оваа галерија се слави младоста. Собрани се дела на нашите млади кривопаланечки автори, дел од нив веќе се етаблираат во уметничката јавност со своите изложувања во и надвор од државата. Тие се претставници на новата авангардна генерација кривопаланечки уметници школувани во европските центри, а прв пат се претставуваат на заедничка изложба, истакна Драган Величковски, директор на Градскиот музеј од Крива Паланка.
Ѓорги Костовски, историчар на уметност при Музејот, рече дека е исклучително важно да се претстават младите ликовни таленти, но и оние кои подолго време творат, за да се запознае пошироката јавност со фактот дека тие со голем ентузијазам создаваат прекрасни и вредни дела.
- Мислам дека е време младите уметници да добијат ветар во грб, а токму тоа е и целта на ваквите проекти и изложби, со кои делата се проектираат во јавноста и таа одблиску се запознава со делата кои го презентираат талентот на овие сликари. Поради тоа изложбата има и продажен карактер, па покрај самопотврдувањето на авторите се создава можност нивниот труд да се валоризира што многу ќе им значи, рече Костовски.
Изложбата е поддржана од Министерството за култура и локалната самоуправа на општина Крива Паланка.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април