Истражување: Во развиените земји расте прифаќањето на вакцини против Ковид
Подготвеноста за вакцинација против коронавирусот расте во споредба со минатата година, покажа истражување спроведено во шест развиени земји.
Повеќе луѓе во Велика Британија, САД, па дури и во скептична Франција сега сметаат дека е добра идеја да се вакцинираат, покажува истражувањето на консултантската куќа KekstCNC спроведено во февруари.
Истражувањето е спроведено во Германија, Јапонија и Шведска и трендот е идентичен во сите земји.
– Со почетокот на кампањите за вакцинација, се повеќе луѓе велат дека се подготвени да се вакцинираат, се вели во студијата.
Најголемо прифаќање има во Велика Британија со 89 проценти, наспроти 70 проценти во декември.
Во Шведска е регистриран најголем пораст, од 53 проценти во декември на 76 проценти денес. Во Германија, стапката на одобрување скокна од 63 на 73 проценти, во Јапонија од 50 на 64 проценти и во САД од 58, исто така на 64 проценти.
Од земјите опфатени со студијата, кај Французите има најмалку ентузијазам кога станува збор за вакцинација против коронавирусот. Сега 59 проценти од граѓаните би примиле вакцина, но тоа е исто така голем скок во споредба со 40 проценти во декември.
Сепак, многу испитаници не се задоволни од стапката на вакцинација во нивните земји.
Додека 76 проценти од Британците сметаат дека нивната Влада работи добро во процесот на вакцинација, тој број нагло паѓа на 32 проценти во Америка, 28 проценти во Јапонија и Германија, 22 проценти во Франција и само 20 проценти во Шведска.
Испитаниците од овие шест земји веруваат дека во сето ова најдобро работат Британците и Израелците.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација