Истражување: Летово регистрирани над 400 рекордни високи температури
Анализа на калифорнискиот институт „Берклеј ерт“ покажува дека изминатото лето измерени се над 400 рекордни високи температури на воздухот во 29 земји помеѓу 1 мај и 30 август годинава.
Една третина од рекордните температури беа измерени во Германија, потоа Франција и Холандија.
Во текот на летото, во повеќе од 1.200 места во северната хемисфера беа измерени рекордно високи температури. Истражувањето опфатило и податоци од метеоролошки станици во северната хемисфера во текот на изминатите 40 години. Франција постави рекорд со температура од 46 Целзиусови степени, додека во Велика Британија, во Белгија, во Германија, во Луксембург и во Холандија исто така првпат се забележани такви високи температури.
На некои места во Европа, температурите се највисоки во последните 150 години, изјави д-р Роберт Род за Би-Би-Си. Во јули годинава беа урнати сите температурни рекорди низ целиот свет.
Температурите се искачија за 0,04 степени Целзиусови на глобално ниво, во споредба со најтоплиот месец во јули 2016 година. Научниците истакнуваат дека тоа е знак дека Земјата се загрева. Според научниците јулскиот топлотен бран што ја зафати Европа е предизвикан од дејствувањата на човекот.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка