Свет
18. December 2016 - 14:10

ИД презеде одговорност за самоубиствениот напад во Аден

Исламска држава презеде одговорност за нападот врз воената база Ал-Солбан во Аден, при што загинаа 49 војници.

Во соопштението на ИД се наведува дека бомбашот-самоубиец убил 70 луѓе.

Поради нападот шефот на безбедносните сили во Аден, Шалјал Али Паја поднесе оставка.

Во нападот повредени се најмалку 60 лица, а мета биле војниците кои се собрале да примат плата во воената база, која се наоѓа во североисточниот дел на градот.

Инцидентот се случи осум дена по бомбашкиот напад во Аден, при што загинаа 48 војници, а 29 беа повредени. Одговорноста за тој напад го презеде Исламска држава.