ИД подготвува убиствени кибер напади во Велика Британија
Британската Влада одлучи двојно да ги зголеми финансиските средства за борба против кибер криминалот, до рекордни 1,9 милијарди фунти до 2020 години, откако беше откриено дека милитантите на Исламска држава (ИД) се обидуваат да развијат можности за спроведување убиствени кибер напади во Велика Британија.
Промоцијата на програмата за значителното зголемување на средствата за оваа цел, ќе ја изврши министерот за финансии Џорџ Озборн, кој денеска престојува во седиштето на Главниот прислушен центар на Велика Британија во Челтнам.
Во објаснувањњето за причините за издвојувањње на толку многу пари за пресметката со хакерите на ИД се вели дека во кибер нападите на исламистичките милитанти, може да бидат загубени многу човечки животи, што е и цел на нивните акции.
Сознанијата на безбедносните агенции, врз кои се потпираат анализите на Министерството за финансии, откриваат дека ИД подготвува заговор за спроведување кибер напади врз британскиот електроенергетски систем и снабдувањето со струја, врз контролата на воздушниот сообраќај, како и врз болниците.
Велика Британија веќе спроведува антихакерска борба против употребата на интернетот за пропагандата на исламистичките милитанти, против верската радикализација и џихадизмот, но и против планирањето и спроведувањето терористички напади.
Сега се настојува да се прекинат плановите на ИД за хакирање на делови од британската инфраструктура, за да се спречат човечки жртви кои сигурно ќе ги има доколку успеат кибер нападите.
Промовирањето на програмата за зголемено финансирање на борбата против кибер нападите, доаѓа непосредно по терористичките напади во Париз, изврпени во петокот доцна вечерта, во кои беа убиени 129 лица, а други 300 беа ранети.
Ново на Сител
-
Силјановска: Горда сум на граѓаните, не само на оние кои гласаа за мене туку и на останатите
-
Дел од извештаите на светските медиуми за претседателските избори во државава
-
ДИК: Oд обработени 80,03% oд гласовите Силјановска Давкова 284.775, Пендаровски 139.167
-
Јакимовски: Резултатите се далеку од моите очекувања
-
ДИК: Oд обработени 77,32% oд гласовите Силјановска Давкова 272.729, Пендаровски 133.184
-
Османи: Европскиот фронт ја победи коалицијата Вреди со над 40.000 гласа
-
Се слави пред седиштето на ВМРО-ДПМНЕ
-
ДИК: Oд обработени 71,19% oд гласовите - Силјановска Давкова 247.366, Пендаровски 121.228