Хормонална инјекција која лечи мамурлак
Американски научници работат на „инјекција за трезвеност“ којашто би можела да помогне при закрепнување од негативните последици од мамурлакот.
Истражувачите од Универзитетот на Југозападен Тексас на лабораториски глувци им дале „прекумерна“ доза етанол, еквивалентна на прекумерното консумирање алкохол кај луѓето. Потоа, на „алкохолизираните“ заморчиња им бил вбризгуван хормонот ФГФ21 (фактор на раст на фибробластите 21), којшто се наоѓа во црниот дроб.
Хемикалијата испратила сигнал до мозокот да се заштити од штетното дејство на алкохолот. Научниците откриле дека на глувците со природно пониски нивоа на хормонот им треба подолго време да се опорават, отколку другите.
Се покажа дека високите дози на ФГФ21 „значително го забрзуваат“ отрезнувањето преку стимулирање на мозочните клетки поврзани со возбудувањето – дури и кога нивото на етанол во нивните тела не е променето.
Познато е дека ФГФ21 штити од лошите последици на алкохолот со тоа што побрзо го разградува и ги стимулира мозочните клетки. Глувците беа тестирани и во однос на рефлексот и рамнотежата по изложувањето на етанол. Раководителот на истражувањата, д-р Стивен Кливе од Универзитетот во Тексас рече дека се надева дека овие наоди ќе бидат корисни во лекувањето на пациентите со акутно труење со алкохол.
– Зголемената будност на пациентот би ни користела многу во вакви ситуации, пред сѐ затоа што би ја избегнале потребата од интубација, а треба да се запомни и дека пациентите во несвест можат да се задушат во сопствената повраќаница, но и да го забрзаат процесот на проценка и третман на други повреди кои честопати се случуваат истовремено, рече тој.
Д-р Кливе додаде дека црниот дроб не само што е вклучен само во разградувањето на алкохолот, туку и испраќа хормонален сигнал до мозокот да се заштити од штетните последици на труењето, како губење свест и координација. Резултатите од научните истражувања се објавени во стручното списание „Сел метаболизам“
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово