Груевски: Во 2016-та ќе има ново зголемување на пензиите и социјалната помош од 5 отсто
Ново зголемување на пензиите и на социјалната помош за пет отсто најави денеска премиерот Никола Груевски во новогодишното обраќање.
Како што рече Груевски, во 2016-та треба да почне и изградбата на нови државни пензионерски домови за пензионери со пониски пензии, како и нови градинки.
Според премиерот, идната година и земјоделците ќе можат да сметаат на нови 150 милиони евра субвенции.
- Во 2015-та пораснаа пензиите на пензионерите за пет отсто, а ќе следи таков раст и во 2016-та, како и раст на минималната плата, согласно ветеното. Досега, од 2006 година, просечната пензија порасна за 70 отсто, а најниската пензија за 84 отсто. Социјалната помош, пак, наместо за ветените пет отсто во 2015-та порасна за 10 отсто, и ќе има ново покачување во 2016-та од најмалку пет отсто. Се изградија 10 нови детски градинки, и уште четири се при крај, а уште повеќе се планираат за 2016-та, рече Груевски.
Продолжува и стабилната, континуирана поддршка во земјоделството, не само преку субвенциите, туку и преку помош на млади земјоделци, подигнување нови насади и набавка на приплоден добиток, систем капка по капка, градба на системи за наводнување.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица