ГРОМ: Mини-шенген е шанса која треба да се искористи
Граѓанската опција за Македонија – ГРОМ ја поздравува денешната средба помеѓу премиерите на Македонија и Албанија и претседателот на Србија.
Посебно радува фактот што ќе се потпишат три значајни договори кои ќе ја олеснат економската соработка и ќе помогнат за полесно надминување на кризните ситуации во регионот.
Слободниот проток на стока, луѓе и капитал ќе ги намали трошоците на производство и услугите, ќе го олесни и поевтини транспортот, ќе ја поттикне флуктуацијата на работна сила и регионот ќе стане поатрактивен за странски директни инвестиции затоа што се создава поголем пазар.
Ова ќе ја подобри регионалната соработка, ќе ги намали политичките тензии а ќе придонесе за подобар живот на граѓаните и повисок стандард.
Драго ни е што лидерите од Балканот конечно сфатија дека Европа не е решение за се и дека постојаните препреки што се поставуваат пред земјите од Балканот може полесно да се надминат ако владите за своите граѓани отвораат нови перспективи.
За ГРОМ, мини-шенген е шанса која треба да се искористи, а во исто време добар пример за нашиот источен сосед дека македонските граѓани имаат и други алтернативи.
ГРОМ
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка