-->
-->
Грчки медиуми за неможноста лидерите на ЕУ да донесат одлука за Северна Македонија и Албанија
-->
На непроменетиот став на Франција во однос на европската перспектива на Северна Македонија и Албанија го ставаат грчките медиуми акцентот во текстовите за Самитот на ЕУ и недонесената конкретна одлука за проширувањето.
Грчката државна телевизија ЕРТ во пладневното издание на вестите објави дека за проширувањето на Европската Унија и европската перспектива на Северна Македонија и Албанија утрово одново се дискутира на вториот ден од Самитот на ЕУ, jави дописничката на МИА од Атина.
Голем дел од грчките медиуми го презедоа текстот од новинската агенција АНА-МПА под наслов „ЕУ: Не постоеше договор за почеток на пристапни преговори со Северна Македонија и Албанија“, во детално се пренесени изјавите од прес – конференцијата во Брисел.
Франција беше една од трите земји што го спречија почетокот на пристапни преговори и раздвојување на двете кандидатури, објави АНА-МПА и повикувајќи се на француски дипломатски извор пишува дека разговорите за проширувањето на ЕУ биле долги и тешки.
-Никаков текст за ова прашање не беше усвоен, бидејќи не постои договор за да почнат пристапните преговори, рекол францускиот дипломатски извор за АНА-МПА.
„Самит на ЕУ: Три земји го блокираа почетокот на пристапни преговори со Северна Македонија и Албанија“; „Француско вето за интеграција на Северна Македонија и Албанија во ЕУ“; „Блокада од Франција за почеток на пристапни преговори со Северна Македонија и Албанија“; „Стоп од Макрон за Скопје и Тирана во ЕУ“; „Мицотакис и Ципрас поддржуваат интеграција на Северна Македонија и Албанија во ЕУ“; „ЕУ без договор за преговори со Северна Македонија и Албанија“, се дел од насловите во онлајн изданијата на медиумите во Грција.
-Владини извори објаснуваат дека синоќешната разврска не значи дека прашањето е одложено. Од една страна прашањето може денес повторно да биде ставено на дискусија за време на вториот ден од Самитот на ЕУ, а од друга страна, предвидено е лидерите на ЕУ конечно да дадат зелено светло на еден од следните самити, ако денес нема некаква разврска, пишува „Нафтемборики“.
-И покрај многучасовниот состанок на првиот ден од Самитот во Брисел, не излезе бел чад за почеток на пристапните преговори со Северна Македонија и Албанија, пишува информативниот портал „Њузит“.
-Франција, поддржана од уште две земји, ги блокираа пристапните преговори за Северна Македонија и Албанија, ширејќи разочараност и во двете балкански земји, пишува „ Ефимерида тон синдактон“
-„Vive la France“ ќе извикаат оние кои се скептично за интеграцијата на Албанија и Скопје во Европската Унија, бидејќи по маратонската дискусија на 28-те европски лидери што заврши кусо пред 3 часот, ја официјализираа неможноста за постигнувањето договор, пишува „Прото тема“
-->
-->
-->
Ново на Сител
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива