Ѓукановиќ: После изборите сите имаат причина за задоволство
Претседателот на Црна Гора, Мило Ѓукановиќ, денеска изјави дека присуството на набудувачката мисија на Европската мрежа на организации за набљудување на изборите (ЕНЕМО) било исклучително важно за демократскиот карактер на изборниот процес во Црна Гора.
Во разговор со шефот на мисијата, Џанлука Пасарели, во Подгорица, Ѓукановиќ рече дека на крајот од процесот, сите имале причина да бидат задоволни, бидејќи, како што рече, Црна Гора покажа демократски капацитет, и покрај најавите за можни компликации, и солидна демократска основа која е во состојба да одговори на потребата за транзиција на власта.
Сето ова, посочи Ѓукановиќ, е добра потврда дека не сме ги изгубиле изминатите 30 години и дека и покрај критичките опсервации и предрасуди кон Балканот од одредени адреси, сепак имаме значителен број практики кои го потврдуваат капацитетот за европски стандард и членство во ЕУ.
Тој рече дека Црна Гора, откако внимателно ќе го прочита Извештајот ЕНЕМО, како и порано, ќе работи на отстранување на слабостите и подобрување на изборниот систем.
Пасарели посочи дека бил сведок на историски момент, не само поради резултатите од изборите, туку и поради односот и одлуката на Ѓукановиќ, со што, како што рече, може да се гордее бидејќи тие претставуваат чекор напред кон демократско созревање.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово