Ѓорѓе Добре од Романија и Виолета Димова од Македонија добитници на наградата „Струшко слово“
Романскиот автор Ѓорѓе Добре и македонската писателка Виолета Димова се годинашни добитници на меѓународната награда „Струшко слово“, што ја доделува Културниот центар „Бран“ и ревијата за книжевност „Бранувања“ од Струга.
Како што соопшти денеска редакцијата „Бранувања“, Добре ја добива наградата за особени заслуги во развојот на македонско-романските книжевни релации, а Димова за личниот придонес во примената, развојот и афирмацијата на македонскиот литературен јазик и за нејзиниот самопрегорен, специфичен, истраен и доследен однос во работата и творештвото.
Ѓорѓе Добре е романски книжевник со меѓународен углед, припадник на една мошне плодоносна книжевност во која блескаат делата на Михај Еминеску, Никита Станеску, Марин Сореску и на други писатели, кои трајно ја збогатија не само европската, туку и светската книжевна ризница.Членува во Сојузот на романските писатели. Автор е на десетина дела, меѓу кои трите најнови се: „Лагата на буквата“ (проза и есеи), „Скокајќи од камен на камен“ (поезија) и „Трофеи“ (поезија). Добитник е на бројни награди и признанија. Неговата поезија е преведена на повеќе јазици, меѓу кои и на македонски.
Виолета Димова е познат и принзат македонски универзитетски професор, но и истакнат автор на повеќе научни дела поврзани со книжевноста, посебно со литературата за деца и млади. Таа е редовен професор на универзитетот „Гоце Делчев“ во Штип и автор е на книгите: „Литературното дело и реципиентот“ и „Естетиката на комуникацијата и литературата за деца“...
Наградата „Струшко слово“, која е востановена од минатата година ќе им биде врачена на манифестастацијата „Струшки кнжиевни средбии“, што од 7 до 9 јули ќе се одржи во Струга, Охрид и Вевчани. Минатогодишни добитници се Валериио Орлиќ и Васил Тоциновски.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто