Тенис
23. јуни 2021 - 14:13

Ѓоковиќ ќе настапи на Игрите во Токио

Најдобриот светски тенисер Новак Ѓоковиќ ќе биде меѓу учесниците на летните Олимписки игри, потврди денеска Тениската федерација на Србија

– Новак ја потврди желбата да учествува на Олимпијадата и ние списокот со неговото име веќе го испративме до Олимпискиот комитет на Србија, посочија извори од Тениската федерација за белградскиот весник „Спортски журнал“.

Ѓоковиќ досега на Олимписките игри освои бронзен медал во 2008 година во Пекинг, кога во натпреварот за третото место го совлада Американецот Џејмс Блејк.

Игрите во Токио ќе се одржат од 23 јули до 8 август.