Фудбал
24. March 2016 - 16:11

Фудбал У21: Македонија - Исланд без голови

Фудбалската репрезентација на Македонија до 21 година денеска во Скопје одигра нерешено без постигнат гол, 0:0 со лидерот на квалификациската група 3 за ЕУРО 2017, соодветната селекција на Исланд.

За избраниците на селекторот Благоја Милевски ова беше второ реми во петтиот дуел по што останаа на третата позиција на табелата.

Двете екипи одиграа борбено, имаа и по неколку шанси за погодок, но на крајот мрежите мируваа.

Следниот настап македонските фудбалери ќе го имаат на 28 март на гости против Франција, репрезентација која вечер од 21 часот ја пречекува  Шкотска.

Табела:

1.Исланд 12 бодови (6 натпревари)

2. Франција 10 (5), 

3.Македонија 8 (5)

4. Шкотска 5 (4)

5. Украина 4 (5)

6. Северна Ирска 1 (5).