Фудбал
1. јуни 2016 - 19:43

Фудбал У-21: Македонија и Белорусија одиграа без победник

 
 Македонската фудбалска репрезентација до 21 години денеска во пријателски дуел против соодветната селекција на Белорусија одигра нерешено 1:1.
 
На натпревар кој се одигра на теренот „Петар Милошевски’’ кај тренинг центарот на ФФМ, гостите од Белорусија поведоа го голот на Павел Савитски постигнат во 44-та минута.
 
На почетокот на вториот дел црвено-жолтите стигнаа до израмнувањер. Се играше 48-минута, а по акцијата на Костадинов, на вистиското место се најде Кире Марковски, кој ги постави конечните Македонија – Белорусија 1:1
 
Покрај селекцијата до 20 години, претпладнето контролен меч одиграа и репрезентацијата до 18 години која со 2:0 го победи Азербејџан, а утре од 19 часот на арената „Филип Втори’’ пријателски меч против Иран ќе одигра и најдобрата (сениорска) репрезентација на Македонија.