Македонија
11. December 2015 - 12:44

Фрескосликање на црквата „Свети Димитрија“ во Зрновци

 Во општина Зрновци деновиве започна фрескосликањето на внатрешниот дел од црковниот храм посветен на „Свети Димитрија“, граден во втората половина на 19 век на темели од стара христијанска црква.

- Ликовниот уметник Валентин Ѓурковиќ од неодамна започна со фрескосликањето на иконите за кои постои голем интерес од страна на верниците од Зрновци и околината. Општината донираше  средства во износ од 120 илјади денари за подготовка на таванскиот дел од црквата на кој ке бидат насликани фрески од новиот завет, изјави Блаже Станков, градоначалник на Зрновци.

Црковниот одбор на чело со  парохискиот свештеник Лазар Коцев во изминатите месеци работеше на санација на потпорните зидови околу црквата и нејзина заштита од  напукнување. Набавен е и нов  лустер, владички трон, а предвидено е и уредување на подот во црквата.