Филипче: Кризата со коронавирусот повторно ескалираше насекаде на Балканот
Во изминатите десет дена кризата со коронавирусот повторно ескалираше насекаде на Балканот. Според официјалните податоци во Србија во последните седум дена се бележат по 300 случаи на ден, во Бугарија над 150, во БиХ над 170, Хрватска 86, Црна Гора 57, Албанија речиси 70 и во Косово над 100 случаи на ден, истакна денеска на прес-конференција министерот за здравство Венко Филипче.
Тој посочи дека Светската здравствена организација информираше дека 60 проценти од случаите од 10 милиони пациенти ширум светот се регистрирани во јуни. Ова, појасни, значи дека насекаде има нов бран, кај нас дојде порано.
– Мислам дека многу рано го детектиравме, а сега се јавува во сите земји од нашето опкружување. Тоа е директна последица на попуштањето на рестриктивните мерки и на непочитување на мерките за лична заштита. Состојбата во светот потврдува дека првичните предвидувања на светските здравствени авторитети дека вирусот во текот на летото ќе исчезне практично не се остварија. Во последните денови светската статистика говори дека има пикови на новозаразени и починати и тоа е уште една потврда дека вирусот е тука, ќе остане очигледно подогло време, а ние мораме да бидеме подготвени, рече Филипче.
Мора да го подготвуваме здравствениот систем, да ги почитуваме мерките за лична заштита, да се навикнеме на новата реалност, што значи продолжување на сите активности, но со почитување на мерките за лична заштита, нагласи министерот и додаде дека мора да прифатиме дека оваа реалност можеби ќе трае и подолго од тиа што првично сите земји во светот го очекуваа.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка